Төрийн аудитын байгууллагын үйл ажиллагааг иргэд, олон нийтэд таниулан сурталчлах, аудитын үйл ажиллагаанд иргэдийн оролцоог нэмэгдүүлэх зорилгоор “ТӨРИЙН АУДИТ-ИРГЭДИЙН АМЬДРАЛД” уулзалт хэлэлцүүлгийг Говьсүмбэр аймагт зохион байгууллаа.
Үндэсний аудитын газрын Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол, Чанарын баталгаажуулалтын газрын дарга, тэргүүлэх аудитор Ж.Батсайхан нар иргэд, олон нийтэд “Төрийн аудитын байгууллагын хөгжлийн чиг хандлага”, “Төрийн аудитын байгууллагын үйл ажиллагаанд иргэдийн оролцоог хангах стратегийн хэрэгжилт, үр дүн” сэдвээр мэдээлэл өгч, сонирхсон асуултад нь хариулт өгч, санал хүсэлтийг нь хүлээн авлаа.
Мөн Говьсүмбэр аймаг дахь Төрийн аудитын газартай хамтран тус аймгийн төсвийн захирагч, санхүүгийн ажилтнуудтай уулзалт, хэлэлцүүлэг зохион байгуулж, “Төрийн аудитын байгууллага-харилцагч талын хамтын ажиллагаа”, “Төрийн аудитыг гүйцэтгэхэд шалгагдагч байгууллагын оролцоо-аудитын шийдвэр гаргалт, тулгамдсан асуудал” сэдвээр мэдээлэл хүргэсэн юм. Тус уулзалт, хэлэлцүүлэгт 76 байгууллагын 125 албан хаагчид оролцлоо.
Төрийн аудитын байгууллага 2024 оныг “Аудитын шийдвэрийн хэрэгжилтийг хангахад харилцагч талуудын оролцоог сайжруулах” зорилтыг дэвшүүлэн ажиллаж байна. Энэхүү зорилтыг хэрэгжүүлэн ажиллах хүрээнд төсвийн захирагч, санхүүгийн ажилтнууд болон иргэд олон нийттэй хийх уулзалт, хэлэлцүүлгийг орон нутагт зохион байгуулж байгаа юм.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
