Авлигатай тэмцэх газар НҮБ-ын Мансууруулах бодис, гэмт хэрэгтэй тэмцэх албатай хамтран зохион байгуулж буй “Авлигын эсрэг НҮБ-ын Конвенцын үнэлгээний дараа авах арга хэмжээ, хэрэгжилт” сэдэвт бага хуралд Үндэсний аудитын газрын төлөөлөл оролцож байна.
Авлигатай тэмцэх чиглэлд иргэний нийгмийн үүрэг, оролцоо: Монгол Улсын туршлага сэдвийн хүрээнд Үндэсний аудитын газрын Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол илтгэл танилцуулж, хэлэлцүүлэгт оролцогчдын сонирхсон асуултад хариулт өгөв.
Тэрбээр Төрийн аудитын байгууллага аудитын үе шатуудад иргэд, олон нийтийн оролцоог хэрхэн хангаж ажиллаж байгаа туршлага болон энэ чиглэлээр цаашид хэрэгжүүлэхээр төлөвлөсөн бодлого, стратеги зэргийг танилцуулан, Төрийн аудитын байгууллагын харилцагч тал болох иргэний нийгмийн байгууллагууд, хэвлэл мэдээллийн байгууллагуудтай үр дүнтэй хамтын ажиллагааг хөгжүүлэх нь аудитын тайлан, үр дүнг олон нийтэд хүргэж, иргэдийн хяналтыг сайжруулахад чухал ач холбогдолтойг онцолсон юм.
Авлигатай тэмцэх чиглэлд иргэний нийгмийн үүрэг, оролцооны талаар хэлэлцүүлэг хийснээр анхаарал хандуулах нэн тэргүүний салбарыг тодорхойлж, боломжит хамтын ажиллагааг судлах зорилгыг тус бага хурлыг зохион байгуулагчид дэвшүүлж байгаа аж.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
