Үндэсний аудитын газар нь “Газрын тосны салбарт бүтээгдэхүүн хуваах гэрээгээр 2023-оны хайгуулын үйл ажиллагаа явуулсан гэрээлэгчийн нийт хөрөнгө оруулалт, өртөг нөхсөн болон нөхөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх аудитад зөвлөх үйлчилгээ авах” шинжээчийн дүгнэлт гаргах, шинжээч сонгон шалгаруулж, гэрээ байгуулан хамтран ажиллахаар төлөвлөж байгаа тул шинжээчийн дүгнэлт гаргах хүсэлтэй хуулийн этгээдийг мэдүүлгээ ирүүлэхийг урьж байна.
Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлыг хянах журам”-ын хүрээнд хэрэгжих болно.
Аудитыг гүйцэтгэх хуулийн этгээд нь Монгол Улсын Ерөнхий аудиторын баталсан аудитын төлөвлөгөөний дагуу ажлын даалгаварт заасан ажлыг журам, АДБОУС болон холбогдох бусад баримт бичигт нийцүүлэн цаг хугацаанд нь чанартай хийж гүйцэтгэх үүрэгтэй.
Бэлтгэсэн ажлын баримт материалд тулгуурлан ажлын даалгаварт тусгасан ажлыг гүйцэтгэж, аудитын гүйцэтгэлийн болон тайлагналын үе шатны дэд тайлан бэлтгэнэ. Үүнд:
- Гэрээлэгчийн Газрын тосны салбарт бүтээгдэхүүн хуваах гэрээний дагуу хайгуулын үйл ажиллагаа явуулахад оруулсан нийт хөрөнгө оруулалт, өртөг нөхсөн болон нөхөгдөх зардлын хэмжээ, /хайгуулын үеийн өрөмдлөгөөр газрын тос гарсан тохиолдолд экспорт, борлуулалтын орлогын тооцоо, хуваарилалт/ тоо хэмжээг тус тус баталгаажуулна
- Хайгуулын үйл ажиллагаатай холбоотой хөрөнгө оруулалтын зардал, өртөг нөхөгдөх зардлын тайланг гэрээлэгчийн тухайн жилийн санхүүгийн тайлантай уялдуулан шалгаж баталгаажуулна.
- Гэрээлэгчдийн борлуулалтын орлогын журналыг нэхэмжлэх, дансны хуулгаарх орлогоос Монгол Улсын Засгийн газарт зөв хуваарилсан эсэхийг хянан баталгаажуулах
- Гэрээлэгчийн ажлын жилийн төлөвлөгөө, төсвийг баталж, түүний гүйцэтгэлд хяналт тавьсан эсэхэд дүгнэлт гаргана.
- Гэрээлэгчийн нийт хөрөнгө оруулалт, өртөг нөхсөн болон нөхөгдөх зардлын хэмжээ, газрын тосны экспорт, борлуулалтын орлогын тооцоо, хуваарилалттай холбоотой тайлан мэдээг хүлээн авч, хяналт тавьсан эсэхэд дүгнэлт гаргана.
Аудитыг гүйцэтгэх хуулийн этгээд дараах шаардлагыг хангасан байна. Үүнд:
- Баталгаажуулалт, Аудит, Нягтлан бодох бүртгэл, зөвлөх үйлчилгээ үзүүлэх тусгай зөвшөөрөлтэй байх;
- Аудиторууд нь мэргэжлийн ёс зүйн зөрчилгүй байх;
- Үйл ажиллагаа явуулах ажлын байр, техник хэрэгсэлтэй;
- Англи, Хятад зэрэг гуравдагч орны хэл дээр үйлдэгдсэн санхүүгийн анхан шатны материалыг Монгол хэл рүү хөрвүүлж ашиглах чадвартай байх;
- Аудитын багийн гишүүд нь үйлчлүүлэгчийн эрх бүхий аль нэг албан тушаалтантай хамааралгүй байх;
- Өртөг нөхөгдөх зардалд аудит хийж байсан туршлагатай бол давуу тал болно.
Хүний нөөцийн шаардлага:
- 6-аас доошгүй үндсэн орон тоотой, мэргэшсэн нягтлан бодогчтой байх;
- Аудитын байгууллагад ажилладаг мэргэшсэн нягтлан бодогч өөр байгууллагад давхар ажил эрхлэх, бусад аудитын хуулийн этгээдэд гэрээгээр ажилладаггүй байх;
- Англи, Хятад зэрэг гуравдагч орны хэл дээр үйлдэгдсэн санхүүгийн анхан шатны материалыг Монгол хэл рүү хөрвүүлж ашиглах чадвартай багадаа 1 ажилтантай байх;
- Гэрээгээр гүйцэтгэж байсан бусад ажлын жагсаалт.
Монгол Улсын холбогдох хууль тогтоомжийг үйл ажиллагаандаа мөрдлөг болгон гэрээ, ажлын даалгаварт заасан ажлыг мэргэжлийн болон чанарын өндөр түвшинд хийж шаардлагатай судалгаа, шинжилгээ, тооцоо, тайлан бусад ажлыг хугацаанд нь үнэн зөв чанартай хийж гүйцэтгэнэ.
Сонгон шалгаруулалтын дэлгэрэнгүй жагсаалтад материалаа ирүүлэх хуулийн этгээд дээрх тавигдсан шаардлагыг хангасан байх /шаардлага хангасан нотлох баримтыг эхний шатад ирүүлэх шаардлагагүй/ ба тус ажлыг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг эхний шатад ирүүлнэ.
Үүнд: Хуулийн этгээд :
– Улсын бүртгэлийн гэрчилгээний хуулбар;
– Тусгай зөвшөөрлийн гэрчилгээний хуулбар;
– Татварын хугацаа хэтэрсэн өр төлбөргүй тухай тодорхойлолт
– Нийгмийн даатгалын шимтгэлийн хугацаа хэтэрсэн өр төлбөргүй тухай тодорхойлолт /зар нийтэлсэн өдрөөс өмнөх саруудад өр төлбөргүй байх /
– Шүүхийн төрөлжсөн архивын тодорхойлолт;
– Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2021,2022,2023он/;
– Үндсэн ажилтны анкет, боловсрол, мэргэшлийн гэрчилгээний хуулбар;
– Үндсэн ажилтны нийгмийн даатгалын цахим лавлагаа /сүүлийн 1 жилээр, зар нийтэлсэн өдрөөс өмнөх сарын нийгмийн даатгал төлсөн байх /
– Сүүлийн 2 жилийн санхүүгийн тайлан, аудитын дүгнэлтийн хамт /2021,2022 он/
Сонирхсон этгээд нь холбогдох мэдээллийг 2024 оны 03 дугаар сарын 12-ны өдрийн 12:30 минутаас өмнө авч болох бөгөөд мэдүүлгээ 2024 оны 03 дугаар сарын 12-ны өдрийн 13 цаг 00 минутын дотор /minjinm@audit.gov.mn, info@audit.gov.mn/ хаягаар ирүүлнэ. Саналыг цахим pdf файлаар нэгтгэн /PDF файлыг 25MB-аас ихгүй ирүүлэх ба файл заасан хэмжээнээс илүү гарсан бол файлыг хуваах/ ирүүлнэ. Хариуцсан ажилтан: ҮАГ-ын Захиргаа, хууль, эрх зүйн газрын худалдан авах үйл ажиллагаа хариуцсан шинжээч М.Минжин. Холбоо барих утасны дугаар: 86117715.
Захиалагчийн хаяг: Үндэсний аудитын газар-15160. Улаанбаатар хот. Чингэлтэй дүүрэг, Бага тойруу-3, Засгийн газрын IV байр. 305 -тоот өрөө. Ажлын утас: 51-26 17 45
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
