Төрийн аудитын тухай хуулийн 6 дугаар зүйлийн 6.3.1, 11 дүгээр зүйлийн 11.1, 11.5 дахь заалт, Улсын Их Хурлын Төсвийн байнгын хорооны 2023 оны 08 дугаар тогтоолд тусгасны дагуу Нийслэл дэх Төрийн аудитын газраас “Улсын төсвийн 2023 оны хөрөнгө оруулалтын төлөвлөгөөний хэрэгжилт, үр дүн”-д гүйцэтгэлийн аудитыг нэгдсэн удирдамжаар хийж, тайланг холбогдох байгууллагуудад хүргүүллээ.
Аудитад Нийслэлийн Засаг даргын Тамгын газар, Нийслэлийн Худалдан авах ажиллагааны алба, Нийслэлийн Замын хөгжлийн газар, Нийслэлийн Боловсролын газар, Нийслэлийн Нийтийн тээврийн газар, Нийслэлийн Өмчийн ашиглалт удирдлагын газар, “НХОГ” ОНӨААТҮГ, Нийслэлийн Эрүүл мэндийн газар, Сонгинохайрхан дүүргийн Барилга захиалагчийн алба ОНӨААТҮГ, Улаанбаатар хотын Захирагчийн ажлын алба, Багануур дүүргийн Засаг даргын Тамгын газар болон холбогдох газрууд хамрагдсан.
Уг аудитаар 12 төсвийн ерөнхийлөн захирагчдаас НЗД-д эрх шилжүүлсэн 170 ТАХ-ний төлөвлөлт, худалдан авалт, гүйцэтгэл, санхүүжилтийг хамруулж 280,535.3 сая төгрөгийн 57 зөрчил илрүүлж, аудитын дүнд үндэслэн холбогдох байгууллагуудад 5 зөвлөмж хүргүүлж, 3 ТАХ-г хууль хяналтын байгууллагаар шалгуулахаар шилжүүлээд байна.
ГҮЙЦЭТГЭЛ-НИЙЦЛИЙН АУДИТЫН ХЭЛТЭС
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
