Төрийн аудитын байгууллага Монгол Улсын Их Хурлын ээлжит сонгууль болон аймаг, нийслэл, сум, дүүргийн иргэдийн Төлөөлөгчдийн хурлын сонгуулийн үйл явцад хууль тогтоомжоор хүлээсэн чиг үүргийн хүрээнд сонгуульд зарцуулах зардлын дээд хэмжээ тогтоох, сонгуулийн мөрийн хөтөлбөрт дүгнэлт гаргах, сонгуулийн хандивын тайланг хянан баталгаажуулах, сонгуулийн зардлын санхүүжилт, түүний гүйцэтгэлд дүгнэлт гаргах зэрэг хоорондоо уялдаа холбоо бүхий олон аудитыг хийж гүйцэтгэн үр дүнг олон нийтэд ил тод мэдээлж ажилладаг.

Монгол Улсын Ерөнхий аудитор Дэлэгийн Загджав аймаг, нийслэл, сум, дүүргийн иргэдийн Төлөөлөгчдийн Хурлын сонгуульд нам, эвсэл, нэр дэвшигчээс ирүүлсэн хандивын тайланг хянан баталгаажуулж, дүгнэлт гаргах болон аймаг, нийслэл, сум, дүүргийн иргэдийн Төлөөлөгчдийн хурлын сонгуульд оролцох нам, эвсэл, нэр дэвшигчийн мөрийн хөтөлбөрт аудит хийж дүгнэлт гаргахтай холбогдох журам, заавар, аргачлалыг 2024 оны 06 дугаар сарын 18-ны өдрийн А/49 дугаар тушаалаар шинэчлэн баталлаа.

Аймаг, нийслэл, сум, дүүргийн ИТХ-ын сонгуультай холбоотой аудитын талаарх журам, заавар, аргачлал, мэдээллийг Төрийн аудитын байгууллагын audit.mn цахим хуудасны “Иргэдийн төлөөлөгчдийн хурлын сонгууль-2024” цэсэд байршуулан мэдээлж байна.

Дэлгэрэнгүй мэдээллийг авахыг хүсвэл энэ холбоосоор зочлоорой.