Төрийн аудитын тухай хуулиар тодорхойлсон бүрэн эрхийн хүрээнд “Төрийн аудитын байгууллагын 2024 онд гүйцэтгэх аудитын сэдэв”, Монгол Улсын Ерөнхий аудиторын 2023 оны А/152 дугаар тушаалаар баталсан “Төрийн аудитын байгууллагын 2024 оны гүйцэтгэлийн төлөвлөгөө”-ний дагуу “Орон нутгийн хөгжлийн сангийн 2023 оны бүрдүүлэлт, зарцуулалт үр нөлөө” сэдэвт гүйцэтгэлийн аудитын нээлтийг цахимаар хийлээ.Уг аудитыг улсын хэмжээнд нэгдсэн удирдамжаар гүйцэтгэж, аудитын үр дүнг 2024 оны 4-р улиралд иргэд олон нийтэд мэдээлэхээр төлөвлөсөн юм.
Аудитын нээлтийн үйл ажиллагааг Үндэсний аудитын газрын Санхүү-нийцлийн аудитын газрын захирал, тэргүүлэх аудитор Ц.Наранчимэг эхлүүлж, тус аудитын төлөвлөгөө болон аудитын явцад анхаарах шаардлагатай асуудлуудыг танилцуулав.
Архангай аймаг дахь Төрийн Аудитын газрын дарга, Тэргүүлэх аудитор Т.Байгалмаа аудитыг нэгтгэн удирдахад анхаарах асуудлын талаар мэдээлэл хийж, аймаг, нийслэл дэх Төрийн аудитын газрын холбогдох албан тушаалтнууд нээлтийн үйл ажиллагаанд цахимаар оролцлоо.
Аудитаар Орон нутгийн хөгжлийн сангийн хөрөнгийг хууль журмын дагуу төлөвлөж бүрдүүлсэн эсэх, төсөл арга хэмжээний үр дүн, үр нөлөө байдал, зарцуулалтыг хууль журмын дагуу хянаж, ил тод нээлттэй тайлагнасан эсэх зорилтын хүрээнд хэрэгжүүлэхээр төлөвлөөд байна.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
