Архангай аймаг дах Төрийн аудитын газраас аймгийн засаг даргын 2023 оны нэгтгэсэн санхүүгийн тайлан, төсвийн гүйцэтгэлд хийсэн аудитын шийдвэрийн мөрөөр аймгийн Засаг даргаас “Төсөв захирагч, санхүү бүртгэлийн ажилтнуудад зориулсан сургалт, зөвлөгөөн”-ийг санаачлан 2024 оны 05 дугаар сарын 01-ний өдөр зохион байгууллаа. Сургалт, зөвлөгөөнд Архангай аймаг дахь Төрийн аудитын газрын албан хаагчид болон Сангийн яамны Төсвийн бодлого, төлөвлөлтийн газрын төсвийн зарлагын хэлтсийн дарга П.Бат Эрдэнэ, Төрийн сангийн газрын зөвлөх Б.Цэлмэгтуяа, ММНБИ-ийн олон улсын зөвлөх аудитор О.Баярмагнай, аймгийн Засаг дарга Б.Цэрэннадмид, ЗДТГ-ын дарга холбогдох мэргэжилтнүүд, сумдын төсөв захирагч, бүртгэл санхүүгийн нийт 300 гаруй ажилтнууд оролцлоо.Сургалт зөвлөгөөнд Дарга, тэргүүлэх аудитор Т.Байгалмаа, аудитын менежер Д.Нэргүйбаатар, ахлах аудитор Н.Алтантуяа, аудитор Л.Соёлмөнх нар “Төсөв захирагчдын 2023 оны санхүүгийн тайлангийн аудитын дүнгийн талаар” дэлгэрэнгүй мэдээлэл хийж зөвлөгөөнөөс
1. Аудит, хяналт шалгалтаар зөрчил дутагдалгүй хамт олон болцгооё
2. Төсөв санхүүгийн сахилга хариуцлагаа дээшлүүлцгээе
3. Төрийн хууль журмыг чанд хэрэгжүүлэн ажиллаж хэвшье гэсэн уриалгыг дэвшүүлэн, бүх шатны төсөв захирагчдад аймгийн Засаг даргаас 6-н заалт бүхий албан даалгавар хүргүүллээ.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
