Архангай аймаг дахь Төрийн аудитын газар нь Төрийн аудитын тухай хуулийн 6 дугаар зүйлд заасан бүрэн эрхийн хүрээнд Улсын Их Хурлын Төсвийн байнгын хорооны 2023 оны “Аудитын сэдэв батлах тухай” 08 дугаар тогтоол, Монгол Улсын Ерөнхий Аудиторын баталсан гүйцэтгэлийн аудитын төлөвлөгөөг үндэслэн “Улс, орон нутгийн төсвийн 2023 оны хөрөнгө оруулалтын төлөвлөгөөний хэрэгжилт, үр дүн ”-д хийх гүйцэтгэлийн аудитын нээлтийг 2024 оны 02 дугаар сарын 29-ны өдөр хийлээ.Тус аудитын нээлтэд аймаг дахь Төрийн аудитын газрын дарга, Тэргүүлэх аудитор Т.Байгалмаа, ахлах аудитор Г.Цог-Эрдэнэ, аудитор Н.Энхчимэг, Б.Азантунгалаг, аймгийн ЗДТГ-ын ХБТХОХ-ийн даргын үүргийг түр орлон гүйцэтгэгч А.Батболд, ГХБХБГ-ын барилга захиалагчийн хяналтын хэлтсийн дарга Лхасүрэн, ХААГ-ын даргын үүргийг түр орлон гүйцэтгэгч Х.Ганхуяг, Эрдэнэбулган сумын ЗДТГ-ын дарга О.Жавзансүрэн холбогдох байгууллагын мэргэжилтнүүд оролцлоо.
Улс, орон нутгийн төсвийн 2023 оны хөрөнгө оруулалтаар хэрэгжүүлсэн төсөл, арга хэмжээний гүйцэтгэл, ашиглалтын талаар холбогдох байгууллагуудтай мэдээлэл солилцож, аудитын явцад хамтран ажиллах талаар шалгагдагч байгууллагуудад мэдэгдлээ.
