Аудитыг дараах дэд зорилтын хүрээнд гүйцэтгэнэ.

1. Хүүхэд хамгааллын талаар төрөөс баримталж буй бодлого, төлөвлөлтийн тогтолцоо оновчтой эсэх

2. Хүүхэд хамгааллын үйлчилгээний төлөвлөлт, төсөвлөлт үр өгөөжтэй, хүүхдэд ээлтэй байж чадсан эсэх

3. Хүүхэд хамгааллын талаар баримталж буй бодлогын хэрэгжилт үр дүнтэй эсэх

Аудитын хамрах хүрээ: Хүүхэд хамгааллын тухай хуулийн хүрээнд хүүхэд хамгааллын чиглэлрээр, үйл ажиллагаанд оролцдог төрийн болон төрийн бус байгууллагуудын 2019-2023 оны баримт, мэдээллийг хамруулан гүйцэтгэнэ.

Үндсэн мэдээлэл: Хүүхэд хамгааллын тухай хууль нь анх 2016 онд батлагдсанаас хойш 6 удаагийн нэмэлт өөрчлөлт орж, 50 орчим журам, 8 стандартыг мөрдөн ажиллаж байна. Мөнх Хүүхэд хамгааллын тухай хуулийн шинэчилсэн найруулга 2023 онд батлагдсан бөгөөд 2024 оны 9 дүгээр сарын 01-нээс эхлэн дагаж мөрдөхөөр тусгажээ.

Дорнод аймгийн хэмжээнд 2023 оны жилийн эцсийн байдлаар аймгийн нийт хүн амын 37 хувь буюу 31663 хүүхэд байна.

Улсын төсвөөс Дорнод аймгийн Хүүхэд, гэр бүлийн хөгжил, хамгааллын газарт хүүхэд хамгааллын үйлчилгээнд 2021 онд 88.8 сая, 2022 онд 124.1 сая, 2023 онд 116.2 сая төгрөг тус тус олгосон байна.