Үндэсний аудитын газраас Улсын Их Хурлын Төсвийн Байнгын хорооны 2018 оны “Аудитын сэдэв батлах тухай” 1 дүгээр тогтоол, Монгол Улсын Ерөнхий аудиторын орлогчийн 2019 оны А/03 дугаар тушаалаар батлагдсан 2019 онд гүйцэтгэх аудитын төлөвлөгөөг үндэслэн Төрийн аудитын тухай хуулийн 15 дугаар зүйлийн 15.1-д заасан Үндэсний аудитын газрын бүрэн эрхийн хүрээнд “Хөшигийн хөндийн олон улсын нисэх онгоцны буудлын төслийн хэрэгжилт, үр дүн” сэдэвт гүйцэтгэлийн аудитын нээлтийг 2019 оны 3 дугаар сарын 20-ны өдөр хийлээ.
Аудитын нээлтэд Засгийн газрын хэрэг эрхлэх газар, Зам, тээврийн хөгжлийн яам, Сангийн яам, Гадаад харилцааны яам, Иргэний нисэхийн ерөнхий газар, “Улаанбаатар хотын Олон улсын нисэх онгоцны шинэ буудал барих” төслийг хэрэгжүүлэгч нэгж, төслийн зөвлөх болон гүйцэтгэгч компаниудын холбогдох албан тушаалтнууд болон Гүйцэтгэлийн аудитын газрын аудитын багийн гишүүд оролцлоо.
Аудитыг Монгол Улсын Ерөнхий аудиторын орлогч бөгөөд Тэргүүлэх аудитор С.Оюунбилэг нээж, аудитын зорилт, хамрах хүрээ, багийн бүрэлдэхүүн болон анхаарах асуудлын талаар мэдээлэл өгөв.
Аудитыг 2019 оны 03 дугаар сарын 20-ны өдрөөс гүйцэтгэж, аудитын тайланг 2019 оны 6 дугаар сарын 10-ны дотор УИХ, холбогдох байгууллага, албан тушаалтанд хүргүүлэхээр төлөвлөжээ.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
