Төрийн байгууллагад олон жил ажиллаж, эрхэлсэн ажилдаа өндөр амжилт гаргасан Төрийн аудитын байгууллагын шилдэг тэргүүний албан хаагчдыг 17 дугаар жарны шороон гахай жилийн хаврын тэргүүн сарын цагаан сарын баярыг тохиолдуулан Монгол Улсын Ерөнхийлөгчийн 2019 оны 01 дүгээр сарын 30-ны өдрийн 14 дүгээр зарлигаар Монгол Улсын одон медалиар шагнасныг Төрийн аудитын байгууллагын зарим ажилтныг өнөөдөр (2019.02.04) төрийн дээд одон, медалиар шагналаа.
Төрийн аудитын тухай хуулийн 13 дугаар зүйлийн 13.4.7 дахь заалт, Төрийн албаны тухай хуулийн 31 дүгээр зүйл, Монгол Улсын Ерөнхий аудиторын 2017 оны А/235 дугаар тушаалаар батлагдсан “төрийн аудитын байгууллагын шагналын журам”, Монгол Улсын Ерөнхий аудиторын 2018 оны 207 дугаар тушаалын 1 дүгээр хавсралтыг тус тус үндэслэн Төрийн аудитын байгууллагын Санхүү хариуцсан менежер бөгөөд ерөнхий санхүүч Ө.Саран, Архангай аймаг дахь Төрийн аудитын газрын дарга бөгөөд тэргүүлэх аудитор Д.Уламбаяр, Дорноговь аймаг дахь ТӨГ-ын жолооч Ц.Доржпүрэв нарыг “Алтангадас” одонгоор, Нийслэл дэх Төрийн аудитын газрын аудитор Х.Оюунчимэг, Ж.Энхтуяа нарыг “Төрийн хяналтын тэргүүний ажилтан” цол тэмдгээр, Хүний нөөцийн албаны менежер Ж.Дэмчигсүрэнг “Уул уурхай хүнд үйлдвэрийн яамны тэргүүний ажилтан” цол тэмдгээр шагналаа.
Шагналыг Монгол Улсын Ерөнхий аудиторын орлогч С.Бүрэнбат, Үндэсний аудитын Тамгын газрын дарга Ц.Ганболд нар гардуулж баяр хүргэлээ.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
