ИНДОНЕЗ УЛСЫН АУДИТЫН ХОРООНЫ СУРГАЛТЫН ТӨВИЙН ҮЙЛ АЖИЛЛАГААТАЙ ТАНИЛЦАЖ ТУРШЛАГА СУДЛАВ

Дэлхийн банкны төслийн санхүүжилтээр Бүгд Найрамдах Индонез Улсын Аудитын Хорооны Сургалтын Төвийн үйл ажиллагаатай танилцах, туршлага солилцох зорилгоор Үндэсний аудитын газрын Тамгын газрын дарга Ц.Ганболд тэргүүтэй төлөөлөгчид 2018 оны 12-р сарын 09-14-ны өдрүүдэд Индонез улсад ажиллаа.

Туршлага солилцох айлчлалын хүрээнд Бүгд Найрамдах Индонез Улсын Аудитын Хорооны Сургалтын Төв аудиторуудыг хэрхэн тасралтгүй мэргэжлийн сургалтанд хамруулдаг талаарх туршлагаа дэлгэрэнгүй танилцуулсан юм. Төлөөлөгчид Жакарта хотод байрлах Аудитын Хороо болон Сургалтын Төвд зочилж үйл ажиллагаатай танилцах мөн цаашид хэрхэн хамтарч ажиллах талаар санал солилцлоо.