Үндэсний аудитын газрын 2019 оны дотоод ажлын төлөвлөгөөний дагуу Санхүүгийн аудитын газраас зохион байгуулсан Үндэсний аудитын газар, Нийслэл дэх Төрийн аудитын газрын ажилтан албан хаагчдын дунд зохион байгуулагдсан “Сагсан бөмбөг”-ийн аварга шалгаруулах тэмцээн Гадаадын иргэн харьяатын газрын спорт зааланд 2019 оны 11 дүгээр сарын 16-ны өдөр амжилттай зохион байгуулагдлаа.
Тэмцээний удирдамжид заасны дагуу газрууд холимог баг гарган нийт 10 баг тэмцээнд оролцож дараах байруудад шалгарсан.
Эрэгтэй
I байр – Санхүүгийн аудитын газар
II байр – Нийслэл дэх Төрийн аудитын газар
III байр – Гүйцэтгэлийн аудитын газар
Эмэгтэй
I байр – Санхүүгийн аудитын газар
II байр – Нийслэл дэх Төрийн аудитын газар
III байр – Гүйцэтгэлийн аудитын газрын баг тамирчид тус тус байр эзэлсэн бөгөөд тэмцээний дүнгээр Санхүүгийн аудитын газрын баг тэргүүн байр эзэлж “Шилжин явах цом”-ын эзэн багаар тодорлоо.
Санхүүгийн аудитын газар нь тус тэмцээнд 3 жил дараалан түрүүлсэн тул “Шилжин явах цом”-ыг үүрд хадгалуулсан юм.
