Төрийн аудитын байгууллагатай гэрээгээр санхүүгийн тайлангийн аудит гүйцэтгэж байгаа аудитын хуулийн этгээдийн удирдлага болон менежерүүдэд зориулсан сургалт, хэлэлцүүлгийг 2024 оны 12 дугаар сарын 13-ны өдөр зохион байгууллаа.
Үндэсний аудитын газрын Санхүү, нийцлийн аудитын газрын арга зүй хариуцсан менежер “Төрийн аудитын байгууллагаас 2024-2025 онд гүйцэтгэх аудитад баримтлах ерөнхий чиглэл”, “Санхүүгийн аудитын хараат бус аудиторын тайланг аудитын олон улсын стандартын дагуу бэлтгэх” сэдвээр сургалт хийлээ. Мөн Санхүү, нийцлийн аудитын газрын аудитын менежерүүд боловсрол, эрүүл мэнд, уул уурхайн салбар, эрчим хүчний салбар, гэр бүл, хөдөлмөр, нийгмийн хамгаалал зэрэг салбар тус бүрээр нь ангилж аудит гүйцэтгэхдээ анхаарах асуудлаар мэдээлэл өгч, хэлэлцүүлэг зохион байгууллаа.
Тус сургалт, хэлэлцүүлэгт санхүүгийн тайлангийн аудит гүйцэтгэж буй аудитын хуулийн этгээдийн нийт 80 гаруй ажилтан оролцлоо.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
