Монгол Улсын Ёс зүйн хорооны 2024 оны 02 дугаар сарын 19-ний өдрийн 05 дугаар тогтоолоор баталсан “Ёс зүйн дэд хорооны ажиллах журам”-ын дагуу Төрийн аудитын байгууллагын Ёс зүйн дэд хорооны гишүүдийг сонгон шалгаруулах ажлыг 430 албан хаагчийн дунд зохион байгуулан хамгийн өндөр саналаар Үндэсний аудитын газрын Тамгын дарга, тэргүүлэх аудитор Б.Бундхорол, Санхүү, нийцлийн аудитын газрын захирал, тэргүүлэх аудитор Ц.Наранчимэг, Гүйцэтгэл, нийцлийн аудитын газрын захирал, тэргүүлэх аудитор Д.Энхболд, Арга зүй хариуцсан менежер П.Цэнгүүн, Ахлах аудитор У.Оюунхүү, Нийслэл дэх Төрийн аудитын газрын Захиргаа, удирдлагын хэлтсийн дарга Ч.Цагаанхүү, Дорнод аймаг дахь Төрийн аудитын газрын дарга, тэргүүлэх аудитор Б.Болортуул нарын 7 албан хаагч сонгогдсон.
Монгол Улсын Ерөнхий аудиторын 2024 оны 12 дугаар сарын 18-ны өдрийн А/104 дүгээр тушаалаар “Төрийн аудитын байгууллагын Ёс зүйн дэд хороо”-ны бүрэлдэхүүнийг баталснаар Ёс зүйн дэд хорооны анхдугаар хуралдаанаа 2024 оны 12 дугаар 25-ны өдөр зохион байгууллаа.
Төрийн аудитын байгууллагын Ёс зүйн дэд хорооны даргаар Үндэсний аудитын газрын Санхүү, нийцлийн аудитын газрын захирал, тэргүүлэх аудитор Ц.Наранчимэг, нарийн бичгийн даргаар Гүйцэтгэл, нийцлийн аудитын газрын Арга зүй хариуцсан менежер П.Цэнгүүн нар сонгогдлоо. Мөн тус хуралдаанаар цаашид хэрэгжүүлэх ажлын төлөвлөгөөний талаар хэлэлцэн, холбогдох шийдвэрүүдийг гаргалаа.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
