ТАБ-ын 2019 оны сургалтын төлөвлөгөөний хүрээнд 2019 оны 05 дугаар сарын 29-31-ний өдрүүдэд “Төрийн аудитын байгууллагын шинэ ажилтнуудын сургалт”-ыг ҮАГ-аас хөтөлбөрийн дагуу зохион байгууллаа.
Сургалтад шинээр ажилд томилогдсон нэр бүхий 35 ажилтан хамрагдаж төрийн аудитын хууль, тогтоомж, бусад эрх зүйн актууд, АДБОУС-ын суурь түвшний стандартууд, аудитын тогтолцоо, төрөл, төрийн аудитын бодлого, төлөвлөлтийн асуудал, сургалт, хөгжлийн стратеги, чанарын болон дотоод аудитын тухай ойлголт, аудитын эрсдэл тодорхойлох, нотлох зүйл цуглуулах арга зүй, баримт бичгийн стандарт, архив албан хэрэг хөтлөлтийн сэдвүүдээр ҮАГ-ын СУГ, Тамгын газар, ЧБА болон дотоод аудитын албаны холбогдох ажилтнууд хичээл зааж, танилцуулах үйл ажиллагааг зохион байгуулав.
Сургалтын төгсгөлд шинэ ажилтнуудаас тестийн шалгалт авахад 35 хүнээс 27 нь 60-аас 87 оноо авч, 8 хүн 50-аас доош оноотой нийт 66.0 хувьтай шалгагдлаа. Сургалтад оролцогчдод 28 цагийн агуулгыг эзэмшсэн тухай “Сертификат”-ыг СУГ-ын захирал, тэргүүлэх аудитор Д.Энхболд гардуулав. Сургалтад оролцогчдоос санал асуулга авч нэгтгэн дүгнэхэд багш нарын заах арга зүйг 4.7, хичээлийн сэдвийн агуулгыг 4.6, сургалтын орчин бүрдүүлэлтийг 4.8 гэж үнэлэн сургалтын ерөнхий үнэлгээг 4.68 буюу хангалттай сайн сургалт болсон гэж үнэлжээ.
Сургалтын явцад шинэ ажилтнууд төрийн ордонд зочилж, төрийн есөн хөлт их цагаан тугт хүндэтгэл үзүүлж, төрийн түүхийн музейг үзэж сонирхлоо.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
