Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрх, Хөгжлийн бодлого төлөвлөлт, түүний удирдлагын тухай хуулийн 9 дүгээр зүйлийн 9.8.1-т “Хөгжлийн бодлого, төлөвлөлтийн баримт бичигт аудит хийж Улсын Их Хуралд танилцуулах” гэж заасан чиг үүрэг, Улсын Их Хурлын Төсвийн байнгын хорооны 2024 оны 05 дугаар тогтоолыг тус тус үндэслэн “Улсын Хөгжлийн 2024 оны жилийн төлөвлөгөөний гүйцэтгэл” сэдэвт гүйцэтгэлийн аудитын нээлтийн уулзалтыг 2025 оны 1 дүгээр сарын 6-ны өдөр зохион байгууллаа.
Үндэсний аудитын газрын Гүйцэтгэл, нийцлийн аудитын газрын захирал, тэргүүлэх аудитор Д.Энхболд аудитын нээлтийн уулзалтыг эхлүүлж, аудитын төлөвлөгөө болон аудитын явцад анхаарах шаардлагатай асуудлуудыг танилцуулсан.
Монгол Улсын Хөгжлийн 2024 оны жилийн төлөвлөгөөг үндэслэлтэй, дунд хугацааны баримт бичигтэй уялдуулан олон талын оролцоог хангаж төлөвлөсөн эсэх; Улсын хөгжлийн 2024 оны жилийн төлөвлөгөөний хэрэгжилт үр дүнтэй байж дунд хугацааны бодлогын зорилтыг хангахад чиглэгдсэн эсэхийг үзэж, шалгахад аудитын зорилго чиглэж байна.
Тус аудитад “Улсын хөгжлийн 2024 оны жилийн төлөвлөгөө” баримт бичигт тусгасан Тэргүүлэх чиглэл, Төсвийн ерөнхийлөн захирагчийн, хөтөлбөрийн, төсөл, арга хэмжээний төлөвлөлт, гүйцэтгэл, тайлагналыг хариуцан хэрэгжүүлэх, хяналт-шинжилгээ, үнэлгээ хийж, дүгнэлт гаргах үүрэгтэй байгууллагууд, улсын хэмжээнд бодлогын хэрэгжилтийг нэгтгэн тайлагнах, үнэлж дүгнэх Засгийн газар, 23 төрийн захиргааны төв байгууллага, 9 агентлаг, холбогдох ажлын албад зэрэг шалгагдагч болон хамрагдагч этгээдийг хамруулж байна.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
