Үндэсний аудитын газраас холбогдох хууль, тогтоомжийн дагуу “Монголбанкнаас “Үнэ тогтворжуулах хөтөлбөр”-ийн хүрээнд хэрэгжүүлсэн “Шатахууны жижиглэнгийн худалдааны үнийг тогтворжуулах дэд хөтөлбөр”-ийн үр дүн”-д хийх гүйцэтгэлийн аудитын нээлтийг 2019 оны 2 дугаар сарын 27-ны өдөр Үндэсний аудитын газрын байранд хийлээ.
Аудитын нээлтэд Уул уурхай, хүнд үйлдвэрийн яам, Монголбанк, Ашигт малтмал, газрын тосны газар, Гаалийн ерөнхий газар, Мэргэжлийн хяналтын ерөнхий газар, Шударга өрсөлдөөн хэрэглэгчдийн төлөө газар, Газрын тосны бүтээгдэхүүн импортлогчдын мэргэжлийн холбоо, Монголын нефть хийн үндэсний ассоциоци болон газрын тосны бүтээгдэхүүний худалдаа эрхлэгч зарим аж ахуйн нэгжүүдийн холбогдох албан тушаалтнууд оролцсон байна.
Ерөнхий аудиторын орлогч бөгөөд тэргүүлэх аудитор С.Оюунбилэг аудитыг нээж хэлсэн үгэндээ тус аудитын онцлог, анхаарах асуудлын талаар онцлон дурдсан байна.
“Монголбанкнаас “Үнэ тогтворжуулах хөтөлбөр”-ийн хүрээнд хэрэгжүүлсэн шатахууны жижиглэнгийн худалдааны үнийг тогтворжуулах дэд хөтөлбөрийн үр дүн, үр нөлөөг шалгахаас гадна шатахууны жижиглэнгийн худалдааны өнөөгийн үнийг бодитой тогтоож байгаа эсэх, шатахууны чанар стандартын шаардлагыг хангаж байгаа эсэхийг онцгой анхааран үзэх юм.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
