Монгол Улсын Ерөнхий аудитор Д.Загджав Бүгд Найрамдах Солонгос Улсын Хамтын ажиллагааны байгууллага (КОЙКА)-ын Монгол дахь суурин төлөөлөгч Жо Хэйн Лан-ыг 1 дүгээр сарын 9-ний өдөр хүлээн авч уулзлаа.
Уулзалтаар Ерөнхий аудитор Д.Загджав БНСУ-ын Засгийн газрын буцалтгүй тусламжийн хүрээнд КОЙКА байгууллага нь Монгол Улсад олон төсөл, хөтөлбөрүүдийг хэрэгжүүлсэн явдалд талархал илэрхийллээ.
Түүнчлэн Төрийн аудитын байгууллагын 2019-2024 оны стратегийг амжилттай хэрэгжүүлэн цаашдын стратеги зорилтоо тодорхойлж, 2025 онд “Чадамжид суурилсан хүний нөөцийн бодлого төлөвшүүлэх” зорилт дэвшүүлсний хүрээнд БНСУ-ын Засгийн газраас хэрэгжүүлж буй тэтгэлэгт хөтөлбөр, дунд, богино хугацааны сургалт, семинарт Төрийн аудитын байгууллагын албан хаагчдыг хамруулах замаар тэдний чадавхыг бэхжүүлэх, мэргэшүүлэх хүсэлтэй байгаагаа уламжлав.
Бүгд Найрамдах Солонгос Улсын Хамтын ажиллагааны байгууллага (КОЙКА)-ын Монгол дахь суурин төлөөлөгч Жо Хэйн Ланы зүгээс хоёр орны найрсаг хамтын ажиллагааг өргөжүүлэн хөгжүүлэх хүрээнд БНСУ-ын хамтын ажиллагааны байгууллага (КОЙКА)-ын групп сургалтын хөтөлбөрт Төрийн аудитын байгууллагын албан хаагчдыг хамруулах, туршлага хуваалцах зэрэг бүхий л талын дэмжлэг үзүүлэн хамтарч ажиллахаа мэдэгдэв.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
