Батхишигийн ЭРДЭНЭ
/1971 – 2025/
Бидний дотны нөхөр, журмын анд Булган аймаг дахь Төрийн аудитын газрын дарга, тэргүүлэх аудитор Батхишиг овогтой Эрдэнэ 2025 оны 1 дүгээр сарын 14-ний өдөр өвчний улмаас таалал төгссөнд талийгаачийн гэр бүл, үр хүүхэд, төрөл төрөгсдөд нь гүн эмгэнэл илэрхийлье.
Б.Эрдэнэ нь 1971 онд Булган аймгийн Баян-Агт суманд төрж, 1979-1989 онд Булган аймгийн Хутаг-Өндөр сумын 10-н жилийн дунд сургууль, 1989-1991 онд Санхүү, эдийн засгийн техникум, 1991-1993 онд Зах зээлийн коллежийг тус тус төгссөн, нягтлан бодогч-эдийн засагч мэргэжилтэй, Монгол Улсын мэргэшсэн нягтлан бодогч байсан юм.
Тэрбээр 1993 –2006 онд Төрийн захиргааны байгууллагуудад нягтлан бодогч, 2006 оноос Төрийн аудитын байгууллагад аудитор, ахлах аудитор, аудитын менежер, Булган аймаг дахь Төрийн аудитын газрын “Дарга, Тэргүүлэх аудитор”-оор тус тус тасралтгүй 33 жил идэвх зүтгэлтэй ажилласан манай тэргүүний удирдах ажилтны нэг байлаа.
Б.Эрдэнэ нь Булган аймаг дахь Төрийн аудитын байгууллага хамт олноо чадварлагаар удирдан зохион байгуулж, төрийн санхүү, төсвийн хяналтыг хараат бусаар орон нутгийн түвшинд хэрэгжүүлэх, хуулиар хүлээсэн чиг үүргээ амжилттай ханган биелүүлэхэд өөрийн ухамсарт амьдрал, мэдлэг чадвар, ур ухаан бүх хүч бололцоогоо дайчлан амжилттай ажиллаж ирсэн юм.
Түүний хөдөлмөр, зүтгэлийг төр засгаас өндрөөр үнэлж Хөдөлмөрийн хүндэт медаль, Алтангадас одон, Төрийн хяналтын тэргүүний ажилтан цол тэмдгээр тус тус шагнасан билээ.
Талийгаачийн хөдөлмөрч, хичээнгүй, нөхөрсөг, даруу төлөв, хүнлэг энэрэнгүй зан чанар бидний сэтгэл зүрхэнд үүрд хоногшин үлдэх болно.
Гүнээ хүндэтгэсэн,
ТӨРИЙН АУДИТЫН БАЙГУУЛЛАГА
Д.Загджав, Я.Самбууням, З.Цэдэнжав, С.Батбямба, Б.Бундхорол, Ц.Наранчимэг, Д.Энхболд, Ж.Батсайхан, Ц.Баярмаа, Д.Отгонбаяр,
А.Уянга-Эрдэнэ, Б.Сэр-Од, М.Эрдэнэжаргал
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
