Төрийн аудитын тухай хуулийн 6 дугаар зүйлийн 6.3.1, 6.3.3 дахь хэсэгт заасан бүрэн эрхийн хүрээнд, Улсын Их Хурлын Төсвийн байнгын хорооны 2024 оны “Аудитын сэдэв батлах тухай” 05 дугаар тогтоолыг тус тус үндэслэн “Улсын төсвийн 2024 оны хөрөнгө оруулалтын төлөвлөгөөний хэрэгжилт” -д хийх нийцлийн аудитын нээлтийг 2025 оны 01 дүгээр сарын 23-ны өдөр зохион байгууллаа.
Аудитыг Гүйцэтгэл, нийцлийн аудитын газрын захирал, Тэргүүлэх аудитор Д.Энхболд нээж аудитын төлөвлөгөө, хөтөлбөр, аудитын багийн бүрэлдэхүүнийг танилцуулан, аудитын менежер Ю.Энхтуяа аудитын явцад анхаарах асуудлын талаар мэдээлэл өгөв.
Аудитын нээлтэд аудит хийх багийн бүрэлдэхүүн болон аудитад хамрагдах байгууллагуудын төлөөлөл оролцлоо.
Улсын төсвийн 2024 оны хөрөнгө оруулалтын төлөвлөгөөнд тусгасан төсөл, арга хэмжээний төлөвлөлт, худалдан авах ажиллагаа, санхүүжилт, хэрэгжилтийг зохион байгуулсан Төсвийн ерөнхийлөн захирагч нар, тэдгээрийн харьяа байгууллагууд болон Барилгын хөгжлийн төв, Эрчим хүчний хөгжлийн төв, Зам, тээврийн хөгжлийн төв зэрэг холбогдох бусад байгууллагыг хамруулахаар төлөвлөсөн.
“Улсын төсвийн 2024 оны хөрөнгө оруулалтын төлөвлөгөөний хэрэгжилт”” сэдэвт нийцлийн аудитын тайланг 2025 оны 06 дугаар сард УИХ-ын Төсвийн байнгын хороо, холбогдох байгууллагад хүргүүлнэ.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
