Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрх, Газрын тосны тухай хуулийн 37 дугаар зүйлийн 37.2 , 37.3 дахь заалт, Улсын Их Хурлын Төсвийн байнгын хорооны 2024 оны 05 дугаар тогтоол, Монгол Улсын Ерөнхий аудиторын 2024 оны А/108 дугаар тушаалд тус тус үндэслэн “Газрын тосны салбарт бүтээгдэхүүн хуваах гэрээгээр Хайгуул болон олборлолтын үйл ажиллагаа явуулсан гэрээлэгчдийн нийт хөрөнгө оруулалт, өртөг нөхөгдсөн болон нөхөгдөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх” сэдэвт нийцлийн аудитын нээлтийн уулзалтыг 2025 оны 2 дугаар сарын 11-ний өдөр зохион байгууллаа.
Үндэсний аудитын газрын Санхүү, нийцлийн аудитын газрын захирал, тэргүүлэх аудитор Ц.Наранчимэг аудитын нээлтийн уулзалтыг эхлүүлж, аудитын төлөвлөгөө болон аудитын явцад анхаарах шаардлагатай асуудлуудыг танилцуулав.
Аудитын нээлтийн уулзалтад АМГТГ-ын дарга Ш.Ганхуяг болон холбогдох албан тушаалтнууд хүрэлцэн ирж аудитын төлөвлөгөөгөө хүлээн авлаа.
АМГТГ-аас анхан шатны баримтад үндэслэн газрын тосны салбарт олборлолтын үйл ажиллагаа явуулж буй гэрээлэгчдийн батлагдсан төлөвлөгөө, төсвийн дагуу гүйцэтгэсэн ажил, хөрөнгө оруулалт, өртөг нөхөгдсөн болон нөхөгдөх зардлын хэмжээ, газрын тосны экспорт, борлуулалтын орлогын тооцоо, хуваарилалтын болон санхүүгийн тайланг хянан шалгаж ирүүлсэн тайлан, дүгнэлтэд аудит хийж баталгаажуулж, аудитын дүн, тайланг холбогдох байгууллага, албан тушаалтанд хүргүүлж, олон нийтэд мэдээлэхэд аудитын зорилт чиглэнэ.
Тус аудитаар АМГТГ-аас 2022, 2023 онд газрын тосны хайгуул болон ашиглалтын үйл ажиллагаа явуулсан гэрээлэгчдийн батлагдсан төлөвлөгөө, төсвийн дагуу гүйцэтгэсэн ажил, хөрөнгө оруулалт, өртөг нөхөгдсөн болон өртөг нөхөгдөх зардлын хэмжээ, газрын тосны экспорт, борлуулалтын орлогын тооцоо, хуваарилалтын болон санхүүгийн тайланг хянан шалгаж, төрийн аудитын байгууллагад ирүүлсэн тайлан, дүгнэлтийн хүрээнд тухайн гэрээлэгчдийн анхан шатны баримт материал, санхүүгийн үйл ажиллагааг хамруулна.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
