Төрийн болон орон нутгийн өмчит хуулийн этгээдийн 2024 оны санхүүгийн тайланд хийх аудитын нээлтийг хийлээ.

Дорнод аймаг дахь Төрийн аудитын газраас 2025 оны санхүүгийн тайлангийн аудитын хүрээнд Дорнод аймгийн төрийн болон орон нутгийн өмчит үйлдвэрийн газруудын санхүүгийн тайланд хийх аудитын нээлтийг хийлээ.

Төсвийн тухай хуулийн 8 дугаар зүйлийн 8.9.8-д заасан цаглабарын хүрээнд “Төрийн болон орон нутгийн өмчит, төрийн болон орон нутгийн өмчийн оролцоотой хуулийн этгээд жилийн эцсийн санхүүгийн тайлангаа дараа жилийн 02 дугаар сарын 15-ны дотор төрийн аудитын байгууллагад хүргүүлж, аудит хийсэн тайланг 3 дугаар сарын 15-ны дотор харьяалагдах төсвийн ерөнхийлөн захирагч болон санхүү, төсвийн асуудал эрхэлсэн төрийн захиргааны төв байгууллагад хүргүүлэх.” хуулийн хугацаанд аудит хийгдэнэ.

Аудитын нээлтэд аймгийн төвийн өмчит үйлдвэрийн газрууд танхимаар, сумдын өмчит үйлдвэрийн газруудын удирдлага болон санхүүгийн ажилтнууд онлайнаар оролцлоо.