mn

ГЭРЭЭГЭЭР АЖИЛЛАХ ШИНЖЭЭЧ СОНГОН ШАЛГАРУУЛАХ ЗАР

Үндэсний аудитын газар нь “Газрын тосны салбарт бүтээгдэхүүн хуваах гэрээгээр олборлолтын үйл ажиллагаа явуулсан гэрээлэгчдийн 2023 оны нийт хөрөнгө оруулалт, өртөг нөхөгдсөн болон нөхөгдөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх аудит”-ын гүйцэтгэлийн болон тайлагналын үе шатны ажилд аудитын багтай хамтран ажиллаж байгаль орчны/газрын тосны салбарын нарийн мэргэжлийн дэмжлэг, туслалцаа үзүүлж хамтран ажиллах хувь хүн, баг, хуулийн этгээдийг саналаа ирүүлэхийг урьж байна.

№ Шинжээч Ажлын даалгавар Төсөвт өртөг
1 Газрын тосны салбарын мэргэжлийн зөвлөх үйлчилгээ үзүүлж, дүгнэлт гаргах шинжээч Ажлын даалгаврыг эндээс үзнэ үү. 15,000,000 төгрөг
2 Байгаль орчны мэргэжлийн зөвлөх үйлчилгээ үзүүлж, дүгнэлт гаргах шинжээч Ажлын даалгаврыг эндээс үзнэ үү. 15,000,000 төгрөг

           

            Шинжээч нь аудитын багтай хамтран Монгол Улсын Ерөнхий аудиторын баталсан аудитын төлөвлөгөө, хөтөлбөрийн дагуу ажлын даалгаварт заасан ажлыг АДБОУС, холбогдох журам болон бусад баримт бичигт нийцүүлэн чанартай, арвилан хэмнэлттэй, үр ашигтай, үр нөлөөтэй хэлбэрээр цаг хугацаанд нь хийж гүйцэтгэх үүрэгтэй.

            Шинжээч нь хувь хүн, баг, хуулийн этгээд байж болох ба дараах шаардлагыг хангасан байна. Үүнд: 

Газрын тосны мэргэжлийн зөвлөх шинжээч Байгаль орчны мэргэжлийн зөвлөх шинжээч
Хуулийн этгээдийн хувьд:

 
  • Зөвлөх үйлчилгээ үзүүлэх эрх бүхий байх;
  • Зөвлөх үйлчилгээ үзүүлж байсан 2-оос доошгүй жилийн ажлын туршлагатай байх;
  • Геологи, уул уурхай, ашигт малтмалын олон улсын чиг хандлага, газрын тосны технологийн болон үйл ажиллагааны мэдлэг мэдээлэлтэй, ажлын туршлагатай байх;

Ажиллах хүчний шаардлага:

  • Газрын тосны чиглэлээр магистр ба түүнээс дээш зэрэгтэй;
  • Газрын тосны зөвлөх болон мэргэшсэн инженерийн зэрэгтэй байх;
  • Мэргэжлээрээ 3-аас дээш жил ажилласан;
  • Мэргэжлийн англи хэл эсхүл хятад хэлний мэдлэгтэй;
  • Компьютерын өргөн хэрэглээний программууд дээр ажиллах чадвартай;
  • Багаар ажиллах, ачаалал даах чадвартай байх;
  • Төрийн албан хэрэг хөтлөлт, архивын талаар мэдлэгтэй, сургалтад хамрагдсан бол давуу тал болно.
  • Зөвлөх үйлчилгээ үзүүлэх эрх бүхий байх;
  • Зөвлөх үйлчилгээ үзүүлж байсан 2-оос доошгүй жилийн ажлын туршлагатай байх;
  • Байгаль орчинд нөлөөлөх байдлын нарийвчилсан үнэлгээ хийж байсан туршлагатай;
  • Газрын тосны чиглэлээр зөвлөж байсан бол давуу тал болно.

Ажиллах хүчний шаардлага:

  • Байгаль орчны чиглэлээр магистр ба түүнээс дээш зэрэгтэй;
  • Мэргэжлээрээ 6-аас дээш жил ажилласан;
  • Байгаль орчинд нөлөөлөх байдлын нарийвчилсан үнэлгээ болон эрдэм шинжилгээ, судалгааны ажил хийж байсан туршлагатай;
  • Мэргэжлийн англи хэл эсхүл хятад хэлний мэдлэгтэй;
  • Компьютерын өргөн хэрэглээний программууд дээр ажиллах чадвартай;
  • Багаар ажиллах, ачаалал даах чадвартай байх;
  • Газрын тосны чиглэлээр ажиллаж байсан бол давуу тал болно.
  • Төрийн албан хэрэг хөтлөлт, архивын талаар мэдлэгтэй, сургалтад хамрагдсан бол давуу тал болно.
Баг, хувь хүний хувьд:
  • Багийн ахлагч нь газрын тосны мэргэжлээр зөвлөх инженерийн зэрэгтэй, гэрээгээр гүйцэтгэсэн ажил, үйлчилгээний үнэн бодит байдлыг хариуцаж, дүгнэлт гаргах эрх бүхий байх;
  • Мэргэжлээрээ 5-аас доошгүй жил ажилласан байх;
  • Англи болон хятад хэлний мэдлэгтэй бол давуу тал болно.
  • Байгаль орчны чиглэлээр магистр болон түүнээс дээш зэрэгтэй;
  • Зөвлөх үйлчилгээ үзүүлэх эрх бүхий байх;
  • Мэргэжлээрээ 6-аас дээш жил ажилласан.
  • Зөвлөх үйлчилгээ үзүүлж байсан 3-аас доошгүй жилийн туршлагатай байх;
  • Газрын тосны чиглэлээр ажиллаж байсан бол давуу тал болно.
  • Англи болон хятад хэлний мэдлэгтэй бол давуу тал болно.

 

Бүрдүүлэх материал:

Хуулийн этгээд:

  • Улсын бүртгэлийн гэрчилгээний хуулбар;
  • Тусгай зөвшөөрлийн гэрчилгээний хуулбар;
  • Татварын тодорхойлолт /өр төлбөргүй байх, цахим сайтаас гаргасан QR кодтой/;
  • Нийгмийн даатгалын тодорхойлолт /өр төлбөргүй байх, цахим сайтаас гаргасан QR кодтой/;
  • ШШГЕГ-ын хугацаа хэтэрсэн өр төлбөргүй талаарх тодорхойлолт;
  • Шүүхийн төрөлжсөн архивын тодорхойлолт;
  • Гүйцэтгэсэн адил төстэй үйлчилгээний мэдээлэл /2022, 2023, 2024 он/;
  • Үндсэн ажилтны анкет, боловсрол, мэргэшлийн гэрчилгээний хуулбар;
  • Үндсэн ажилтны нийгмийн даатгалын лавлагаа /сүүлийн 1 жилээр E-Mongolia цахим сайтаас авсан байх/;
  • Санхүүгийн тайлан /2023, 2024 он/

Баг, хувь хүн:

  • Шинжээчийн анкет /CV/;
  • Иргэний үнэмлэхийн хуулбар;
  • Боловсролын зэргийн диплом;
  • Мэргэшлийн гэрчилгээ, үнэмлэх, сертификатын хуулбар;
  • Гүйцэтгэсэн ижил төстэй зөвлөх үйлчилгээний мэдээлэл /багийн гишүүн тус бүрээр, сүүлийн 3 жилээр/;
  • Багаар ажиллах тохиолдолд багийн гишүүдийн хамтран ажиллах гэрээг нотариатаар баталгаажуулсан байх

Сонирхож буй этгээд нь дээрхээс гадна Саналын баримт бичгийн дагуу материалаа бэлтгэн 2025 оны 02 дугаар сарын 27-ны өдрийн 13 цаг 30 минутаас өмнө  /byambasurenb@audit.gov.mn  info@audit.gov.mn/ хаягаар ирүүлнэ үү. Хүсэлт, баримт бичгийг PDF файлаар нэгтгэн цахимаар /PDF файлыг 15MB-аас ихгүй байх, хэрэв заасан хэмжээнээс илүү гарсан бол файлыг хувааж/ ирүүлнэ.

 

Ажлын нэр Саналын баримт бичиг
Газрын тосны мэргэжлийн зөвлөх шинжээч Эндээс үзнэ үү.
Байгаль орчны мэргэжлийн зөвлөх шинжээч Эндээс үзнэ үү.

 

Хаяг:

Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот

Санхүү хөрөнгө оруулалтын хэлтсийн Худалдан авах үйл ажиллагаа хариуцсан шинжээч Б.Бямбасүрэн +976-51-261745, 99641235

 

Алсын хараа

4 жил ago by 8 min read No comments

АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…

Аудитын тайлан

Их уншсан