Төрийн аудитын тухай хуулийн 6 дугаар зүйлийн 6.3 дахь хэсэг, 29 дүгээр зүйлийн 29.1.10-т заасан бүрэн эрхийн хүрээнд, Монгол Улсын Их Хурлын Төсвийн байнгын хорооны 2024 оны 12 дугаар сарын 01-ний өдрийн “Аудитын сэдэв батлах тухай” 05 дугаар тогтоол, Монгол Улсын Ерөнхий аудиторын 2024 оны 12 дугаар сарын 25-ны өдрийн “Аудитын жилийн төлөвлөгөө батлах тухай” А/108 дугаар тушаалыг тус тус үндэслэн “Төрийн хэмнэлтийн тухай хуулийн хэрэгжилт, үр дүн” сэдэвт нийцлийн аудитын нээлтийг 2025 оны 2 дугаар сарын 24-ний өдөр зохион байгууллаа.
Монгол Улсын Ерөнхий аудиторын орлогч С.Батбямба аудитын нээлтийг эхлүүлж, аудитын төлөвлөгөө болон аудитын явцад анхаарах шаардлагатай асуудлуудыг танилцуулав.
Аудитын нээлтийн уулзалтад яамдын Төрийн нарийн бичгийн дарга болон бусад албан тушаалтан хүрэлцэн ирлээ.
Аудитаар Төрийн хэмнэлтийн тухай хуулийг бүрэн хэрэгжүүлж ажилласан эсэх, Засгийн газар болон төрийн байгууллагаас авч хэрэгжүүлсэн арга хэмжээ үр дүнтэй байсан эсэхийг үзэж, шалгахад аудитын зорилго чиглэсэн байна.
Тус аудитад төсвийн ерөнхийлөн захирагч болон зарим төрийн өмчит үйлдвэрийн газруудыг хамруулна.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
