АРХАНГАЙ АЙМАГ ДАХЬ ТӨРИЙН АУДИТЫН ГАЗРААС 2019 ОНЫ НЭГДСЭН ТӨЛӨВЛӨГӨӨТ БОЛОН ӨӨРИЙН ТӨЛӨВЛӨГӨӨНИЙ ДАГУУ ХИЙЖ БАЙГАА АУДИТУУДЫН ТАЛААР СУМДЫН УДИРДЛАГА, ХОЛБОГДОХ АЛБАН ТУШААЛТНУУДТАЙ ОНЛАЙН ХУРЛЫГ ЗОХИОН БАЙГУУЛЛАА.

Архангай аймаг дахь Төрийн аудитын газар 2019 оны аудитын төлөвлөгөөний дагуу “Улсын төсвийн 2018 оны хөрөнгө оруулалтын төлөвлөгөөний хэрэгжилт, үр дүн, үр ашиг”, “Орон нутгийн төсвийн 2018 оны хөрөнгө оруулалтын төлөвлөгөөний хэрэгжилт, үр дүн, үр ашиг”, “Орон нутгийн хөгжлийн сангийн 2018 оны зарцуулалт”, “Шилэн дансны тухай хуулийн хэрэгжилт” сэдэвт гүйцэтгэл болон нийцлийн аудитууд хийж байгаатай холбогдуулан сумдын удирдлагууд болон санхүүгийн албад, нягтлан бодогч нар бусад мэргэжилтнүүдийг оролцуулсан онлайн уулзалтыг зохион байгууллаа.

Аудитын газраас санаачлан 19 суманд нэгдсэн хаяг нээж, программ суулгах, хэрхэн холбогдох талаар цахим хичээл бэлтгэн сумдад хүргүүлж, онлайн уулзалтыг зохион байгуулсан нь өөрсдийн техник хэрэгслийн боломжиндоо тохируулан цаг хугацаа, төсөв хөрөнгө хэмнэсэн цаашид үр дүн авчрахуйц ажил боллоо.

Сумдын хэмжээнд хийсэн аудитын онлайн уулзалтанд Архангай аймаг дахь Төрийн аудитын газрын Тэргүүлэх аудитор Д.Уламбаяр, аудитын менежер Т.Байгалмаа, гүйцэтгэлийн аудитын багийн ахлагч, ахлах аудитор Д.Нэргүйбаатар, аудитор Г.Цог-Эрдэнэ, Нийцлийн аудитын багийн ахлагч, аудитор Б.Азхүү, аудитор П.Цэцэгдулам нар болон аймгийн 16-н сумын Засаг дарга, ИТХ-ын дарга, ИТХ-ын нарийн бичгийн дарга, санхүүгийн албаныхан, бусад холбогдох албан тушаалтнууд нийт 64 хүн оролцлоо.

Онлайн уулзалтаар аудитын төлөвлөгөөг танилцуулж, аудитад шаардлагатай байгаа судалгаа, мэдээлэл ирүүлэх, анхаарах асуудлын талаар ярилцаж, харилцан санал солилцлоо.

Мөн цахим орчин хурдацтай хөгжиж хүн бүр сошиалаар мэдээ мэдээллийг авч байгаа өнөө цагт Архангай аймаг дахь Төрийн аудитын газраас “Орон нутгийн хөгжлийн сангийн 2018 оны зарцуулалт”, “Шилэн дансны тухай хуулийн хэрэгжилт” сэдэвт нийцлийн аудиттай холбогдуулан иргэд олон нийтээс санал асуулгыг цахимаар авч эхлээд байна. Санал асуулгын формыг албаны facebook хаягаар орон нутгийн нэгдсэн группүүд болон сумдын пэйж хуудсанд байршуулан авч байна. Цахимаар санал асуулга авснаар олон нийт чөлөөтэй саналаа илэрхийлэх, цаг хугацаа хэмнэх, судалгааны нэгтгэл гаргахад үр дүнтэй байна. Санал өгөх