ЭМГЭНЭЛ

Эмгэнэл

Бидний эрхэм анд Өмнөговь аймаг дахь Төрийн аудитын газрын аудитор, Монгол улсын мэргэшсэн нягтлан бодогч Бэйс овогт Дашнямын Заяасүрэн нь 2019 оны 04 дүгээр сарын 27-ны өдөр хүнд өвчний улмаас хорвоогийн мөнх бусыг үзүүлж бид бүхэнд нөхөж баршгүй хүнд гарз тохиолоо.

Талийгаач нь 2 сайхан хүүгийн ээж, халамжит хань, анд нөхдийхөө үнэнч нөхөр байлаа.

Тэрээр Өмнөговь аймгийн татвар санхүү, төрийн хяналт шалгах албанд 30 гаруй жил нэр хүндтэй хариуцлагатай алба хашиж улмаар Төрийн аудитын газрын Аудитын менежер, аудитороор ажиллах хугацаандаа 2012 онд Монгол Улсын шилдэг аудитын байгууллагын хүндэт цолоор шагнагдаж байсан гавьяатай нэгэн билээ.

Талийгаачийн хөдөлмөр зүтгэлийг үнэлж 2006 онд аудитын жуух бичиг, Эдийн засгийн тэргүүний ажилтан цол тэмдгээр шагнасан байна.

Таныхаа аливаад чин сэтгэлээсээ ханддаг, бусдыг сайн сайханд уриалан дууддаг сайхан сэтгэл, чин шудрага, хөдөлмөрч дайчин зан чанар байгууллагынхаа төлөө гэсэн чин үнэнч сэтгэлийг бид үүрд дурсан санах болно.

Гэр бүл, үр хүүхэд, хань ижилд нь хамт олноос нь гүн эмгэнэл илэрхийлье.

Та минь энх амгалангынхаа оронд амар тайван нойрсдоо.

Ум сайн амгалан болтугай

Монгол Улсын Ерөнхий аудитор Д.Хүрэлбаатар

Үндэсний Аудитын газар Өмнөговь аймаг дах Төрийн аудитын газрын хамт олон