Өвөрхангай аймаг дахь Төрийн Аудитын газрыг төлөөлж Дарга бөгөөд Тэргүүлэх аудитор Л.Ламаачин, Өвөрхангай аймгийн Прокурорын газрыг төлөөлж Ерөнхий прокурор, хууль цаазын шадар зөвлөх Ш.Дамдинбазар нар нь 2020 оны 03 дугаар сарын 09-ний өдөр хамтын ажиллагааны санамж бичгийг байгуулан ажиллав. Тус санамж бичигт зааснаар холбогдох хуулийн хэрэгжилтийг хангуулж, төрийн албанд ажлын хариуцлага сахилга батыг сахин бэхжүүлэх, хууль зөрчсөн аливаа үйлдэл, үйл ажиллагааг таслан зогсоох, төрийн аудитын байгууллагаас тавигдсан акт, албан шаардлага, зөвлөмжийн хэрэгжилтийг хуулийн хугацаанд нь хангуулж, буруутай этгээдэд хариуцлага тооцуулах, хуулийн хэрэгжилтийн үр нөлөөг дээшлүүлэх талаар тусгагдсан болно. Төрийн аудитын байгууллагаас тавигдсан акт, албан шаардлага, зөвлөмжийг биелүүлэх хуулийн хугацаа дууссан тохиолдолд харъяа Прокурорын газарт шилжүүлэн ажиллах нөхцөл үүсэж байгаа юм.