НИТХ-ын захиалга, НТАГ-ын 2019 оны бүтээгдэхүүн, ажил, үйлчилгээний төлөвлөгөөний хүрээнд Ухаалаг Улаанбаатар хөтөлбөрийн хүрээнд “Улаанбаатар смарт карт”ХХК-ний үйл ажиллагаа, үр дүн-д хийх гүйцэтгэлийн аудитыг Төрийн аудитын тухай хуулиар тодорхойлогдсон эрхийн хүрээнд хийнэ.
Нийтийн тээврийн үйлчилгээнд удирдлага мэдээллийн болон цахим төлбөрийн систем нэвтрүүлэх төслийн гүйцэтгэгчийг сонгох шалгаруулах үйл ажиллагаа, гэрээнүүдийг хууль тогтоомжийн хүрээнд байгуулж, хэрэгжүүлсэн байдал, программ хангамж, техник, тоног төхөөрөмж нь ухаалаг болгох хэрэгцээ шаардлагыг хангасан байдал, санхүүгийн үйл ажиллагааг үр дүнтэй зохион байгуулж, хэрэгжүүлсэн байдал зэрэг асуудлуудад хариулт авахад аудитын зорилго чиглэгдэх юм.
Аудитын нээлт 2019 оны 6 дугаар сарын 24-ний өдөр Нийслэл дэх Төрийн аудитын газрын байранд болж хамрах хүрээний байгууллагуудын төлөөлөл оролцлоо.
Нээлтэд НЗДТГ-ын Санхүү төрийн сангийн ахлах мэргэжилтэн Б.Төгслхам, Нийслэлийн Өмчийн харилцааны газрын Өмчийн төлөөлөл, менежмент, хувьчлалын хэлтсийн мэргэжилтэн Б.Батаа, Нийслэлийн Тээврийн газрын Захиргаа, санхүүгийн хэлтсийн дарга М.Мөнхбаяр,УБСК ХХК-ийн орлогч захирал Г.Батзориг, Ерөнхий нягтлан бодогч Н.Уянга, хуульч Ш.Алтанзул нар ирж санал хэлж, мэдээлэл солилцлоо.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
