Үндэсний аудитын газрын удирдлагууд 2020 оны есдүгээр сарын 18-ны өдөр аудитын хуулийн этгээд болох нийт 95 компанийн төлөөллийг хүлээн авч уулзлаа. Уулзалтад Монгол Улсын ерөнхий аудиторын орлогч О.Тэнгис болон бусад холбогдох албаны хүмүүс байлцаж Төрийн аудитын байгууллагын бодлогыг танилцуулж, цаашид аудитын чанарыг сайжруулахад анхаарах асуудлуудын талаар санал солилцсон юм. 
Монгол Улсын Ерөнхий аудиторын орлогч О.Тэнгис Төрийн аудитын байгууллага Үндсэн хуулийн байгууллага болж, Төрийн аудитын тухай хуулийн шинэчилсэн найруулга энэ оны 5-р сард батлагдсаныг онцлоод цаашид аудитын чанарыг улам сайжруулахад анхаарч хамтран ажиллахдаа таатай байгаагаа илэрхийлсэн юм.
Мөн Монголын мэргэшсэн нягтлан бодогчдын институтийн гүйцэтгэх захирал Д.Нацагдорж нягтлан бодох бүртгэл, аудитын асуудал хариуцсан төрийн байгууллага болон мэргэжлийн байгууллагын хамтын ажиллагааны талаар санал солилцов.
Уулзалтын төгсгөлд үйл ажиллагаагаараа бусдыгаа манлайлан ажилласан “Грант Торнтон”ХХК, “Конфинденсе аудит”ХХК, “Гроут финанс аудит”ХХК гэсэн гурван компанийг шалгаруулан Монгол улсын Ерөнхий аудиторын нэрэмжит өргөмжлөл гардууллаа.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
