Үндэсний аудитын газар нь “Төрийн аудитын байгууллагын бодлого, хэрэгжүүлсэн үйл ажиллагаа нь иргэдийн оролцоо, харилцагч талуудын үр ашигтай хамтын ажиллагааг бий болгож байгаа эсэх болон бусад хүлээгдэж буй хүлээлтийг тодорхойлсон судалгаа хийх” Зөвлөх шинжээчийн дүгнэлт гаргах, шинжээч, зөвлөх шинжээч сонгон шалгаруулж, гэрээ байгуулан хамтран ажиллахаар төлөвлөж байгаа тул Зөвлөх шинжээчийн дүгнэлт гаргах хүсэлтэй хувь хүн, баг, хуулийн этгээд мэдүүлгээ ирүүлэхийг урьж байна.
Зөвлөх үйлчилгээг гүйцэтгэх хувь хүн, баг хуулийн этгээд нь ажлын даалгаварт заасан зөвлөх үйлчилгээний шинжээч сонгон шалгаруулах ажлыг Аудитын дээд байгууллагын олон улсын стандарт болон холбогдох бусад баримт бичигт нийцүүлэн цаг хугацаанд нь чанартай хийж гүйцэтгэх үүрэгтэй.
Бэлтгэсэн ажлын баримт материалд тулгуурлан ажлын даалгаварт тусгасан ажлыг гүйцэтгэж, гүйцэтгэлийн болон тайлагналын үе шатны дэд тайлан бэлтгэнэ. Гүйцэтгэх ажил үүргийн хүрээнд (цаашид “Зөвлөх” гэх) тухайн ажлыг гүйцэтгэхэд ашиг сонирхлын зөрчилгүй, хувь хүн, байгууллага, албаны болон төрийн нууцыг задруулахгүй гэдгээ бүрэн илэрхийлж, Үндэсний аудитын газартай нэгдмэл сонирхолтой хамтран ажиллана. Тус ажлыг ажлын даалгаврын дагуу /Ажлын даалгаврыг эндээс үзнэ үү/ гүйцэтгэхээр шалгарсан хуулийн этгээд, хувь хүн, баг нь захиалагч Үндэсний аудитын газрыг төлөөлөх эрх бүхий албан тушаалтан, албан хаагчидтай уулзалт, ярилцлага хийх, шаардлагатай асуудлаар нэмэлт тодруулга авч ажиллаж болно.
Тавигдах шаардлагын хүрээнд ажиллахад дараах боловсролын үндсэн мэргэжил, зэрэг, мэргэшлийн шаардлага тавигдана. Үүнд:
Хуулийн этгээдийн хувьд:
- Үүсгэн байгуулагдсанаас хойш 5 ба түүнээс дээш жил ажилласан ажлын туршлагатай.
- Монгол Улсад нийгэм, эдийн засгийн томоохон хэмжээний бодлогын, тоон болон чанарын судалгаа зэргийг багтаасан ижил төстэй төслүүдэд ажиллаж байсан туршлагатай.
- Ижил төрлийн судалгааг хариуцан зохион байгуулж байсан туршлагатай.
- Сүүлийн 3 жилийн хугацаанд судалгаа явуулахтай холбоотой (нотлох баримт болгож судалгааны ажлын жишээ хүргүүлнэ) хамгийн багадаа 2 амжилттай ажил гүйцэтгэж дуусгасан.
Ажиллах хүчний шаардлага:
- Багийн ахлагч нь улс төр, нийгмийн шинжлэх ухаан болон холбогдох бусад чиглэлээр магистр болон түүнээс дээш боловсролын зэрэгтэй байх
- Багийн ахлагч нь олон талт харилцагч талуудын тоон судалгаа боловсруулсан туршлагатай байх;
- Багийн гишүүн бүр судалгаа шинжилгээний ажлын 2-оос дээш жилийн туршлагатай, дүн шинжилгээ хийх өргөн мэдлэг, ур чадвартай байх;
- Багийн гишүүн бүр чанарын мэдээлэл цуглуулах, тайлан бичих, төслийн удирдлагын өмнөх сайн туршлагатай байх.
- Багийн бүрэлдэхүүнд НҮБ-ын албан ёсны аль нэг хэлний ахисан түвшний мэдлэгтэй багадаа 1 хүн байх.
- Багийн гишүүн бүр компьютерын өргөн хэрэглээний программууд дээр ажиллах чадвартай, төрийн албан хэрэг хөтлөлтийн талаар мэдлэгтэй (сургалтад хамрагдсан бол давуу тал болно)
- Зөвлөх үйлчилгээг багаар үзүүлэх тохиолдолд багийн гишүүдийн хамтран ажиллах гэрээг нотариатаар баталгаажуулсан байна.
Шалгаруулалтад оролцохыг хүссэн өргөдөл, анкет CV, боловсролын зэргийн диплом бусад үнэмлэх, сертификатын хуулбар, ажлын туршлагыг тодорхойлсон дэлгэрэнгүй намтар, техникийн санал (үүрэгт ажлыг хийх аргачлал, ажлын төлөвлөгөө), санхүүгийн дэлгэрэнгүй санал (тусад нь дугтуйлсан байх)
Монгол Улсын холбогдох хууль тогтоомжийг үйл ажиллагаандаа мөрдлөг болгон гэрээ, ажлын даалгаварт заасан ажлыг мэргэжлийн болон чанарын өндөр түвшинд хийж шаардлагатай судалгаа, шинжилгээ, тооцоо, тайлан бусад ажлыг хугацаанд нь үнэн зөв чанартай хийж гүйцэтгэнэ.
Сонгон шалгаруулалтын дэлгэрэнгүй жагсаалтад материалаа ирүүлэх хуулийн этгээд дээрх тавигдсан шаардлагыг хангасан байх /шаардлага хангасан нотлох баримтыг эхний шатад ирүүлэх шаардлагагүй/ ба тус ажлыг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг эхний шатад ирүүлнэ.
Үүнд: Хуулийн этгээд :
– Улсын бүртгэлийн гэрчилгээний хуулбар;
– Тусгай зөвшөөрлийн гэрчилгээний хуулбар;
– Нийгмийн даатгалын шимтгэлийн хугацаа хэтэрсэн өр төлбөргүй тухай тодорхойлолт /зар нийтэлсэн өдрөөс өмнөх саруудад өр төлбөргүй байх /
– Гүйцэтгэсэн ижил төстэй зөвлөх үйлчилгээний мэдээлэл сүүлийн 2 жилээр /2022,2023 он/;
– Үндсэн ажилтны анкет, боловсрол, мэргэшлийн гэрчилгээний хуулбар;
– Үндсэн ажилтны нийгмийн даатгалын цахим лавлагаа /сүүлийн 1 жилээр, зар нийтэлсэн өдрөөс өмнөх сарын нийгмийн даатгал төлсөн байх /
– Сүүлийн 2 жилийн санхүүгийн тайлан, аудитын дүгнэлтийн хамт /2022,2023 он/
Сонирхсон этгээд нь холбогдох мэдээллийг 2024 оны 05 дугаар сарын 06-ны өдрийн 10:00 минутаас өмнө авч болох бөгөөд мэдүүлгээ 2024 оны 05 дугаар сарын 06-ны өдрийн 10 цаг 30 минутын дотор /enkhtsatsals@audit.gov.mn, info@audit.gov.mn/ хаягаар ирүүлнэ. Саналыг цахим pdf файлаар нэгтгэн /PDF файлыг 25MB-аас ихгүй ирүүлэх ба файл заасан хэмжээнээс илүү гарсан бол файлыг хуваах/ ирүүлнэ. Хариуцсан ажилтан: ҮАГ-ын Захиргаа, хууль, эрх зүйн газрын худалдан авах үйл ажиллагаа хариуцсан шинжээч С.Энхцацрал. Холбоо барих утасны дугаар: 91011091.
Захиалагчийн хаяг: Үндэсний аудитын газар-15160. Улаанбаатар хот. Чингэлтэй дүүрэг, Бага тойруу-3, Засгийн газрын IV байр. 305 -тоот өрөө. Ажлын утас: 51-26 17 45
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
